Óńirde elektr jelileri úzilgen
Irannyń ońtústigindegi Hormozgan provınsıasyndaǵy Fın qalasynda 6,4 baldyq jer silkinisi tirkeldi. Bul týraly Tegeran ýnıversıtetiniń Geofızıka ınstıtýtynyń seısmologıalyq ortalyǵy málim etti, dep habarlaıdy Almaty-akshamy.kz QazAqparatqa silteme jasap.
IRNA agenttiginiń málimetinshe, jer asty dúmpýi jergilikti ýaqyt boıynsha 15:36-da tirkeldi, oshaǵy 15 shaqyrym tereńde bolǵan. Jer silkinisiniń epısentri Fın qalasynan 25 shaqyrym jerde Bender-Abbas qalasynan soltústik-batysqa qaraı 43 shaqyrym jerde ornalasqan.
Anadolu agenttiginiń habarlaýynsha, 17 adam jaraqat alǵan. Jer silkinisi saldarynan kóptegen úıler qıraǵan, jergilikti turǵyndar baspanasyn tastap ketken.
Óńirde elektr jelileri úzilgen. Iran prezıdenti Ibrahım Raısı eldiń vıse-prezıdenti Muhammed Mýhbırge jer silkinisi aımaǵyna barýdy tapsyrdy. Irannyń ońtústigindegi Hormozgan provınsıasynda 6,4 jáne 6,3 baldyq eki jer silkinisi boldy. Ekinshi jer silkinisi Keshm qalasynyń Laft aýdanynda birinshisinen soń bir mınýttan keıin jergilikti ýaqyt boıynsha 15:37-de tirkeldi.