Úkimet úıin dron arqyly atqan
Qarashanyń 7 kúni Baǵdadta dron arqyly Irak premer-mınıstri Mustafa ál-Qazymıdiń ómirine shabýyl jasaldy, dep habarlaıdy Almaty-akshamy.kz.
Úkimet basshysy Twitter-de oqıǵa jaıly jazyp, óziniń zardap shekpegenin málimdedi.
«Mende bári jaqsy, halyqty Irak úshin sabyrlyq pen ustamdylyqqa shaqyramyn. Satqyndardyń zymyrany halyqtyń qaýipsizdigin saqtap júrgen bizdiń qaharman qaýipsizdik kúshteriniń tabandylyǵyna tótep bere almaıdy»,-dep jazdy ol.
Al Hadath telearnasynyń málimetinshe, jarylys kezinde premer-mınıstrdiń kúzet qyzmetiniń 10 qyzmetkeri zardap shekken. Oǵan qosa, Baǵdadtyń jasyl aımaǵynda ornalasqan úkimettiń rezıdensıasyna materıaldyq shyǵyn kelgen.
Alǵashynda úkimet rezıdensıasyna shabýyl jasalǵanyn Al Ara telearansy habarlaǵan. Irak áskerıleri keıin bul aqparatty rastady.
«Ál-Qazymı zardap shekken joq, ol din aman. Qaýipsizdik qyzmetteri qajetti sharany jasap jatyr»,-delingen áskýerıler taratqan málimette. Onyń aldynda Al Arabiya telearnasy premer jeńil jaraqat alyp, aýrýhanaǵa túskenin habarlaǵan edi.
Irak BAQ-nyń málimetinshe, úkimet basshysy qazir qaýipsiz jerde. Sondaı-aq qazir jasyl aımaqqa ótý oryndarynda qaýipsizdik sharalary kúsheıtilgen.