Almatyda 2025-2029 jyldarǵa arnalǵan sýmen jabdyqtaýǵa jáne sý burýǵa arnalǵan jańa tarıfter bekitildi.
«Tarıfti ınvestısıalarǵa aıyrbastaý» baǵdarlamasyn iske asyrý sheńberinde «Almaty Sý» MKK jańa tarıfteri men ınvestısıalyq baǵdarlamalary qoldanysqa engiziledi, dep habarlaıdy aqshamnews.kz.
Óńirlik komýnıkasıalar qyzmetiniń brıfıńinde Ulttyq ekonomıka mınıstrligi Tabıǵı monopolıalardy retteý komıtetiniń Almaty qalasy boıynsha departamentiniń basshysy Ásel Bódeneeva túsindirgendeı, tarıfterdi bekitý kezinde «Tarıfti ınvestısıaǵa aıyrbastaý» baǵdarlamasynyń mindetterin iske asyrý eskerildi. Onda ınvestısıalardy, jalaqyny ulǵaıtý, ıesiz jelilerdi ustaý jáne strategıalyq taýardyń quny qarastyrylǵan.
2025 jylǵy 1 aqpannan bastap 2020-2024 jyldarǵa arnalǵan buryn bekitilgen tarıfterdiń qoldanylý merziminiń aıaqtalýyna baılanysty sýmen jabdyqtaýǵa jáne sý burýǵa jańa tarıfter engiziledi.
«Jańa tarıftermen qatar, QR ónerkásip jáne qurylys mınıstrliginiń Qurylys jáne turǵyn úı-kommýnaldyq sharýashylyq isteri komıtetimen birlesip, sýmen jabdyqtaý jáne sý burýdyń rettelip kórsetiletin qyzmetteri boıynsha 2025-2029 jyldarǵa arnalǵan jańa bes jyldyq kezeńge arnalǵan ınvestısıalyq baǵdarlamalar da bekitildi»,– dep atap ótti Ásel Bódeneeva.
Osy ınvestısıalyq baǵdarlamalardy iske asyrý sý qubyry jáne káriz jelileriniń tozýyn jáne apattyq jaǵdaılar sanyn jyl saıyn tómendetýge ákep soǵady, sondaı-aq kórsetiletin retteýge keletin qyzmetterdiń sapasyn arttyrýǵa yqpal etetin bolady.
Baǵdarlama sheńberinde 2024 jylǵy qyrkúıekten bastap jeke tulǵalar toby úshin sýdy «tutynýdyń áleýmettik normalary» engizildi. «Neǵurlym kóp únemdeseńiz, soǵurlym az tóleısiz» qaǵıdaty boıynsha tarıfter tutyný kólemine baılanysty ózgerip otyrady:
• 1 adamǵa aıyna 3 m3 deıin - 91,96 teńge/m3,
• 1 adamǵa aıyna 3 m3-ten 5 m3-ge deıin 1 adamǵa - 110,36 teńge/m3
• 1 adamǵa aıyna 5 m3-ten 10 m3-ge deıin - 137,94 teńge/m3
• 1 adamǵa aıyna 10 m3 joǵary jáne sýdy esepteıtin jeke aspaptary joq jeke tulǵalar - 183,92 teńge/m3.
Alynǵan qarajat resýrs únemdeýshi tehnologıalardy engizýge, jabdyqtardy jańǵyrtýǵa jáne jelilerdi jóndeýge baǵyttalady.
2025 jylǵy 1 aqpannan bastap jańa tarıfterdi qoldanysqa engizý:
* Sýmen jabdyqtaýdyń ortasha tarıfi 135,24 teńge / m3 quraıdy,
* Sý burýǵa - 83,54 teńge / m3.
Halyq úshin sýmen jabdyqtaýdyń bazalyq tarıfi 91,96 teńge/m3 deıin, al sý burýǵa – 83,54 teńge/m3 deıin ósedi.
Bul rette basqa tutynýshylar men búdjettik uıymdar úshin tarıfterdiń tómendeýi nemese qalypty ósýi kózdelgen.
Sonymen qatar, Almatyda turatyn tutynýshylar úshin ortasha túbirtek:
- sýyq sýmen jabdyqtaý boıynsha 32 m2 turǵyn alańy bar 1 bólmeli páter 156 teńgege jáne káriz úshin 139 teńgege (295 teńge) artyq;
- turǵyn alańy 48 m2 2 bólmeli páter sýyq sýmen jabdyqtaý boıynsha 234 teńgege jáne káriz úshin 208 teńgege (450 teńge) artyq;
- Turǵyn alańy 88 m2 3 bólmeli páter sýyq sýmen jabdyqtaý boıynsha 312 teńgege jáne káriz úshin 278 teńgege (600 teńge) artyq.