Saıtta bala asyrap alǵysy keletin adamdardyń jappaı habarlandyrýlary bar.
Prokýratýra balalardy satý týraly habarlandyrýlar ornalastyrylǵan sheteldik ınternet saıtyn anyqtady, dep habarlaıdy Almaty-akshamy.kz
Usynystardy zertteý jańa týǵan balalarynan bas tartqysy keletin jas áıelder olardy zańmen belgilengen tártipti buza otyryp, ýákiletti organdar men sottyń tıisti sheshiminsiz «satyp alýdy» usynady.
QR «Neke (erli-zaıyptylyq) jáne otbasy týraly» Kodeksiniń 196-babyna sáıkes taýyp alynǵan, tastandy (bas tartylǵan) balanyń týýy ishki ister organdarynyń, qorǵanshylyq nemese qamqorshylyq jónindegi fýnksıalardy júzege asyratyn organnyń, bilim berý uıymdary ákimshiliginiń nemese bala ornalastyrylǵan medısınalyq uıymnyń ótinishi boıynsha taýyp alynǵan, bas tartylǵan nemese qaldyrylǵan kúnnen bastap jeti táýlikten keshiktirilmeı tirkelýge tıis.
«Buqaralyq aqparat quraldary týraly» Zańnyń 2-babynyń 4-tarmaǵyna sáıkes qylmystyq jáne ákimshilik quqyq buzýshylyqtar jasaý maqsatynda buqaralyq aqparat quraldaryn paıdalanýǵa tyıym salynady.
Osyǵan baılanysty Alataý aýdanynyń prokýrory sotqa saıtty zańsyz dep taný jáne onyń Qazaqstan aýmaǵyndaǵy qyzmetin toqtatý týraly ótinishpen júgindi. Sot qadaǵalaý organynyń ótinishin qanaǵattandyrdy.
Materıaldar QR QK-niń 128-babynda kózdelgen qylmysty jasaý, ıaǵnı adam saýdasy mánine tekserý júrgizý úshin quqyq qorǵaý organdaryna jiberildi.
Atalǵan qylmystyq quqyq buzýshylyq úshin múlki tárkilenip, 15 jylǵa deıingi merzimge bas bostandyǵynan aıyrý túrindegi jaza kózdelgen.