QR Týrızm jáne sport mınıstrligi Oıyn bıznesin jáne lotereıany retteý komıteti lısenzıasy joq ınternet-resýrstar tizimin jańartty, dep habarlaıdy aqshamnews.kz.
Tizimge QR Zańynyń 6-babynyń 2-tarmaǵynda tyıym salynǵan ınternet-kazıno belgileri bar 1820 biregeı jelilik mekenjaı endi. Bul tizim Komıtettiń júıeli aqparat jınap, ınternet-kazıno men zańsyz býkmekerlik qyzmetterdiń jumysyn anyqtaǵany nátıjesinde jasaldy.
Sonymen qatar tizim Telegram jáne WhatsApp messendjerlerinen tolyqtyrylyp otyrady. Zańsyz oıyn bıznesiniń taralýyna beı-jaı qaramaıtyn azamattar kúdikti saıttar men áleýmettik jelilerdegi paraqshalardyń siltemelerin jiberedi.
Tizimge Vavada, Sultan Games, Pin Up, Play Fortuna, Riobet, Casino-X sekildi tanymal platformalar da engizilgen.
Anyqtalǵan aqparat «Kıbernadzor» aqparattyq júıesine engizilip, Qazaqstan Respýblıkasynyń aýmaǵynda olardyń qyzmetin shekteý úshin zań turǵysynan baǵalaý júrgiziledi.
Esterińizge sala keteıik, mundaı resýrstardy anyqtaýmen QR Úkimetiniń qaýlysyna sáıkes 2024 jylǵy 4 qyrkúıekte qurylǵan QR Týrızm jáne sport mınıstrligi Oıyn bıznesin jáne lotereıany retteý komıteti aınalysady.