Eýrazıalyq damý banki Qazaqstandaǵy sıfrlyq qyzmetterdiń damý qarqynyn baqylap kórdi.
EAEO-nyń basqa elderine qaraǵanda elimizde ınternet halyqtyń basym bóligi úshin qoljetimdi ekendigi, anyqtaldy, dep habarlaıdy almaty-akshamy.kz.
Esepke sáıkes, Qazaqstanda azamattardyń 90,9 paıyzy birden ınternetke qol jetkize alady. Reseıde bul kórsetkish nebári 88,2%-dy, al Belarýste – 86,9%-dy quraǵan. Túrkimenstandaǵy kórsetkish 38,2%-ǵa teń.
Internet jyldamdyǵy boıynsha Qazaqstan EAEO elderiniń ishinde Ózbekstannan keıingi tórtinshi orynǵa turaqtaǵan. Armenıa, Túrkimenstan jáne Tájikstanda eń tómengi kórsetkishter tirkelgen.
Degenmen, Qazaqstandaǵy elektrondyq úkimet reıtıńi aımaqtaǵy basqa eldermen salystyrǵanda áldeqaıda joǵary. Álemdik kestede Reseıden 14 upaıǵa ozyp, 28-orynǵa jaıǵasqan (42-oryn). Odan keıin Armenıa (64), Ózbekstan (69), Qyrǵyzstan (81), Belarýs, Tájikstan (129) jáne Túrkimenstan (137) ornalasqan.
Bank sarapshylary 2028 jylǵa qaraı Ortalyq Azıadaǵy ınternetti qoldanýdyń ortasha deńgeıi 76 paıyzdy qurap, paıdalanýshylar sany 11 mıllıon adamǵa ósedi dep boljap otyr.