1414-ten kelgen kodtardy basqa adamdarǵa bermeý kerek.
Kúmándi siltemelerdi ashýǵa bolmaıdy, dep habarlaıdy aqshamnews.kz
Sıfrlyq damý mınıstrligi qazaqstandyqtarǵa ınternet-alaıaqtardan qorǵaný úshin «Stop-kredıt» (Bank nesıesi, mıkrokredıtti alýdan erikti bas tartý) qyzmetin iske qosylǵanyn eske saldy.
Endi qyzmet eGov mobile qosymshasynda jáne «Elektrondy úkimet» veb-portalynyń basty betinde qoljetimdi. Qyzmetti ESQ arqyly nemese logın men paróldi qoldaný arqyly qosylýǵa bolady.
Ol úshin saıttyń basty betinde «Servıster» bólimine ótip, «Banktik nesıelerdi, mıkrokredıtterdi alýdan erikti bas tartý» opsıasyn tańdaý kerek, - dep jazylǵan habarlamala.
Qyzmet sheksiz iske qosylady jáne azamattyń ótinishi boıynsha óshiriledi.
Mınıstrlik tómendegi usynystardy oryndaýǵa shaqyrady:
Ár túrli akkaýnttar úshin kúrdeli jáne biregeı paróldi paıdalaný;
Qurylǵylardaǵy baǵdarlamalardy únemi jańartyp otyrý;
Kúmándi siltemeler men habarlamalardy ashpaý;
Antıvırýs baǵdarlamasyn paıdalaný;
Jeke aqparatty bógde saıttarǵa jáne qosymshalarǵa engizbeý;
Akkaýnttar úshin eki faktorly aýtentıfıkasıany paıdalaný;
Áleýmettik jelilerdegi qupıalylyq parametrin tekserý;
1414-ten kelgen kodtardy basqa adamdarǵa bermeý;
Bank rekvızıtin basqa adamdarǵa aıtpaý.