Ákki alaıaqtardyń áreketinen 31 myńnan asa azamat japa shekti
Byltyr qarjylyq pıramıda qurǵan 126 adam qylmystyq jaýapkershilikke tartyldy. Onyń 38-i tıisti jazasyn aldy. Bul jaıynda İshki ister mınıstrligi málimdedi, dep habarlaıdy Almaty-akshamy.kz.
Qalǵan fakti boıynsha sot isi júrip jatyr. Ákki alaıaqtardyń áreketinen 31 myńnan asa azamat japa shekti. Jalpy shyǵyn kólemi – 54 mlrd teńge.
Byltyr ınternet-alaıaqtarǵa aldanyp san soǵyp qalǵandar kóbeıgen. 915 kúdiktiniń qylmysy áshkere bolyp, 26 myńnan asa is qozǵaldy. Osyǵan baılanysty polısıa ókilderi turǵyndardy «ońaı ári tez aqsha tabýǵa shaqyratyn jarnamaǵa» mán bermeýge shaqyrady. Sonymen qatar kez kelgen qujatqa qol qoıarda shartyn muqıat oqyp alýǵa keńes beredi.