Ortalyq qalalyq klınıkalyq aýrýhanaǵa ınfarktqa kúdikti 45 jastaǵy naýqas shuǵyl túrde jetkizildi. Bul onymen sońǵy jyly úshinshi ret bolǵan jaǵdaı.
Infarktqa kúdikpen ol alǵash ret ótken jyly dárigerler aldyńǵy qarynshalyq arterıaǵa stent ornatqan kezde tústi. Osy jyldyń aqpanynda naýqastyń aınalma arterıasyna taǵy bir stent salyndy. Alaıda ol jaqynda qaıtadan kómekke júgindi jáne dárigerler onvń oń jaq koronarlyq arterıasyn stentteýge májbúr boldy.
"Naýqas kóp tamyrly zaqymdanýdan zardap shegedi, bul shuǵyl stentteýdiń jıi jaǵdaıyn túsindiredi. Bul joly ol mıokard ınfarktisi satysynda júrektiń aýyrsynýymen tústi. Júrgizilgen koronarografıa oń jaq koronarlyq arterıanyń artqy búıir tarmaǵynyń 75% stenozyn kórsetti. Bul aterosklerotıkalyq túıinshektiń isinýi men qabynýyna baılanysty boldy, ol jarylyp, trombozǵa ákelýi múmkin edi", - dep túsindirdi OQKA rentgenhırýrgy Erjan Quttyǵojın.
Pasıenttiń ýaqtyly medısınalyq kómekke júginýi jáne júrgizilgen stentteý tolyq mıokard ınfarktisiniń aldyn aldy.
"Adamnyń júregin eki sol jáne oń koronarlyq arterıa qanmen qamtamasyz etiledi. Sol jaq arterıa aldyńǵy qarynshalyq jáne aınalma, al oń jaq artqy qarynshalyq jáne artqy búıirlik tarmaqtarǵa bólinedi. Júrekti qamtamasyz etetin bul tamyrdyń barlyǵy ýaqyt óte kele zardap shekti jáne árqaısyna stent ornatý qajet boldy", - dep qosty rentgenhırýrg.
Almatylyq dárigerlerdiń úılesimdi jumysynyń arqasynda pasıent aýyr zardaptan úsh ret qutylyp, qazir mamandardyń baqylaýymen qalpyna kelip jatyr.