Tergeý jalǵasyp jatyr.
Sybaılas jemqorlyqqa qarsy qyzmet Bas prokýratýramen birlesip paıdaly qazbalar ken oryndaryn berýdiń zańdylyǵyn tekserý nátıjeleri boıynsha Indýstrıa jáne ınfraqurylymdyq damý mınıstrliginiń laýazymdy tulǵalaryna qatysty sotqa deıingi tergep-tekserýdi bastady, dep habarlaıdy Almaty-akshamy.kz.
«Mınıstrliktiń laýazymdy adamdary jekelegen kásipkerlik sýbektileriniń múddesinde áreket ete otyryp, barlaý syltaýymen aýksıon ótkizbesten paıdaly qatty qazbalar qory belgilengen ken oryndaryn zańsyz bergeni anyqtaldy. Buryn júrgizilgen barlaý faktisi qujattardy burmalaý arqyly ádeıi jasyrylǵan», - delingen Sybaılas jemqorlyqqa qarsy is-qımyl agenttiginiń baspasóz qyzmetiniń habarlamasynda.
Nátıjesinde, laýazymdy tulǵalarmen úlestes kásipkerler qol qoıý bonýsynyń eń tómengi quny úshin naryqqa qatysýshylardyń básekelestik, qoljetimdilik jáne teń quqyqtylyq qaǵıdattaryn buza otyryp, óndirýge daıyn ken oryndaryn aldy.
Ken oryndaryn satý boıynsha aýksıondar ótkizilmegendikten, memleket ondaǵan mıllıard teńge almaǵan.
A.j. 7 qarashasynda laýazymdyq ókilettikterin asyra paıdalandy degen kúdik boıynsha burynǵy Indýstrıa jáne ınfraqurylymdyq damý vıse-mınıstri T. Toqtabaev ustaldy. Tergeý sottyń sanksıasymen T. Toqtabaevtyń jáne onyń jaqyn týystarynyń (elıtalyq jeke úıler, jer ýchaskeleri, Cadillac Escalade markaly avtokólikteri, Mercedes-Benz Maybach S580 4 Matic, eki BMW X5 Xdrive40I, Bentley Bentayga V8) qymbat jyljymaly jáne jyljymaıtyn múlki anyqtaldy jáne qamaýǵa alyndy.
Aıta keteıik, tergeý jalǵasyp jatyr. Tergeý múddesi úshin ózge de aqparat jarıa etilmeıdi.