9 qarashadan bastap Almaty polısıasy qyzmettiń kúsheıtilgen nusqasyna kóshti.
İs-sharany ótkizýge Ulttyq ulannyń áskerı qyzmetshilerimen birge polısıa qyzmetteri men bólimsheleriniń qyzmetkerleri jumyldyryldy, dep habarlaıdy Almaty-akshamy.kz Polisia.kz-ke silteme jasap.
Tıisti qoǵamdyq tártipti saqtaý, kóshelerde jáne basqa da qoǵamdyq oryndarda quqyq buzýshylyqtyń aldyn alý jáne jolyn kesý maqsatynda is-shara aıasynda qala aýmaǵynda polısıa jasaǵynyń, onyń ishinde jaıaý patrúlderdiń tyǵyzdyǵy arttyryldy.
Quqyq buzýshylyqqa múldem tózbeýshilik aıasynda polısıa qyzmetkerleri men áskerı qyzmetshiler kóshelerdi, aýlalardy, alańdardy, saıajaılardy jáne basqa da qoǵamdyq oryndardy aralaýda. Sonymen qatar polısıa kóshi-qon zańnamasyn, sonyń ishinde qurylys jáne saýda salalaryndaǵy buzýshylyqtardy anyqtaý maqsatynda tekserýler júrgizýde.
Habar-osharsyz ketken adamdardy, qylmyskerlerdi izdestirý, sondaı-aq bótenniń múlkin urlaý, páter tonaý, kólikti aıdap áketý jáne taǵy basqa aınalysatyn qylmystyq toptardy áshkereleý boıynsha PD-nyń jedel bólimsheleriniń jumysy kúsheıtildi. “Quqyqtyq tártip” jedel aldyn alý is-sharasy krımınogendik jaǵdaıdy jaqsartýǵa, sondaı-aq qylmystar men quqyq buzýshylyqtardyń aldyn alýǵa, jolyn kesýge jáne eskertýge baǵyttalǵan aýqymdy shara.