Álemdegi iri ınvestorlardyń biri ári tasymal salasyndaǵy tanymal qosymsha inDriver kompanıasynyń ıesi, ıakýtıalyq kásipker Arsen Tomskıı Qazaqstan azamattyǵyn aldy.
Bul týraly Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın áleýmettik jelidegi paraqshasynda jazǵan, dep habarlaıdy Almaty-akshamy.kz
Mınıstr Arsen Tomskııdiń elimizge ózi ǵana kelip qoımaı, talantty mamandaryn tartyp, jańa tehnologıalar men ıdeıalar alyp kelgenin jetkizdi.
Baǵdat Mýsın zamanaýı, jetistikke jetken kompanıalardyń Qazaqstandy tańdaýy İT - bıznes jasaýǵa erkin múmkindik beretin Astana Hub halyqaralyq tehnoparkiniń joǵary deńgeıde jumys istep turýy dep túsindirdi.
«Sońǵy jyldary Qazaqstan álemniń túkpir-túkpirinen daryndy kásipkerler shoǵyrlanǵan ortaǵa aınalyp keledi. Olar Qazaqstanǵa qonys aýdaryp qana qoımaı, bizdiń elge óz ıdeıalary men tehnologıalaryn belsendi túrde engizip jatyr. Sondaı-aq iri kásip ıeleri elimizge joǵary bilikti mamandar, sarapshylar men kásipkerlerdi tartady. Sózimniń jarqyn mysaly, 2 jeltoqsan kúni inDriver kompanıasynyń negizin qalaýshy jáne bas dırektory Arsen Tomskıı Qazaqstan azamattyǵyn alǵanyn resmı túrde jarıalady», dep jazdy Baǵdat Mýsın.