Indonezıanyń shyǵysyndaǵy Papýa provınsıasynda beısenbi kúni bolǵan 5,4 baldyq jer silkinisinen tórt adam qaza taýyp, birneshe úı men ǵımarat qırady
Bul týraly jergilikti Tabıǵı apatpen kúres jáne onyń saldaryn joıý jónindegi agenttiktiń jedel basqarý ortalyǵynyń basshysy Djonatan Koırevoa málimdedi, dep habarlaıdy Almaty-akshamy.kz QazAqparat agenttigine silteme jasap.
«Jerasty dúmpýler qatty sezildi. Olar úılerdi, meıramhana jáne basqa da ǵımarattardy zaqymdady», - dedi ol telefon arqyly Sınhýa agenttigine.
Eldiń meteorologıa, klımatologıa jáne geofızıka agenttiginiń málimetinshe, jer silkinisi jergilikti ýaqyt boıynsha saǵat 13:28-de bolǵan, onyń epısenti Djaıapýra provınsıasynyń ákimshilik ortalyǵynan ońtústik-batysqa qaraı bir shaqyrym jerde, oshaǵy 10 shaqyrym tereńdikte bolǵan.