Búgin Nur Otan partıasynyń kezekten tys sezi ótti. Partıa AMANAT dep atyn ózgertti. Sıeze ataýynan basqa, kóptegen ózgerister oryn aldy. Búgingi tańda saıası alańnyń eń basty krıterııi – qazirgi qoǵamnyń talaptaryn esepke alý.
Árbir saıası ınstıtýt ózgeristerge ushyraýy tıis. Ásirese, halyqtyń múddelerinen shyǵatyn saıası partıalar úshin bul qalypty jaǵdaı. Saıası partıanyń teorıasy boıynsha partıanyń syrtqy jáne ishki fýnksıalary bar.
İshki fýnksıalarǵa partıanyń qurylymy men qarjylandyrýy kiredi. Al syrtqy qyzmet halyqpen qarym-qatynas ornatýǵa, bıliktiń halyq múddelerin negizge alýǵa umtylýyna baǵyttalǵan. Sondyqtan kez kelgen saıası partıanyń basty kúshi – halyq. Onyń qyzmeti de halyqqa baılanysty. Iaǵnı, partıanyń basty maqsaty – halyqty tolǵandyratyn máselelerdi sheshýde bolýy tıis.
Partıanyń aýdıtorıasy keń, músheleri kóp, elektoraty bar. Eger partıa bul aýdıtorıanyń oı-pikirlerin jınaýǵa, problemalardy taldaýǵa jáne olardy ókiletti arnalar arqyly sheshýge baǵyttalǵan jumysty turaqty negizge qoıatyn bolsa, onda ol qoǵamdaǵy qarsylyqty azaıta alady.