Mamannyń aıtýynsha, vaksınadan buryn antıdenelerge test jasaý tıimsiz. Óıtkeni olardyń bolýy vaksınaǵa áser etpeıdi.
Almaty qalasy Óńirlik komýnıkasıalar qyzmeti alańynda ótken brıfıńte Asfendıarov atyndaǵy QazUMÝ ımmýnologıa kafedrasynyń meńgerýshisi Elmıra Bıtanova qala turǵyndaryn koronavırýsqa qarsy vaksına týraly jalǵan aqparatqa senbeýge shaqyrdy, dep habarlaıdy Almaty-akshamy.kz.
Elmıra Bıtanova koronavırýs ınfeksıasyn juqtyrǵan adamdardyń vaksınadan bas tartpaý kerektigin aıtty. Ýaqyt óte kele, COVID-19 antıdeneleriniń sany azaıyp, indetti qaıta juqtyrý qaýpi bar.
Immýnolog vaksınanyń birinshi kezeńinen keıin ımýnıtet tómendep, koronavırýs ınfeksıasyn juqtyrý qaýpi artady degen ańyzdy joqqa shyǵardy. Spıker janama áserdiń qalypty ekenin málimdedi. Óıtkeni vırýstyń ózi úlken qaýip tóndiredi. Sondaı-aq vaksına onkologıa men basqa da genetıkalyq aýrýlardy týdyrmaıdy. Bul aqparat jalǵan.
Elmıra Bıtanova vaksına juqpaly aýrýlarǵa qarsy turatynyn aıta kelip, kez kelgen vaksınanyń qalaı áser etetinin túsindirdi.
«Vaksına ımýndyq júıeni qalyptastyrý úshin jasalǵan. Bul týa bitken ımýnıtet sıaqty. Ári qaraı adaptıvti ımýnıtet qalyptasady. Bul tizbek antıgenmen alǵashqy kezdesýde aıaqtalady. Sodan keıin jad jasýshalary paıda bolady. Olar biregeı ári qozdyrǵysh túrinde keledi. Bul vaksınanyń eki kezeńin bildiredi», - dedi Elmıra Bıtanova.
Ol vaksınadan keıin temperatýra kóterilse, alańdamaýǵa shaqyrdy. Aıtýynsha, bul ımýndyq jaýapqa tán reaksıa.
Immýnolog vaksına alǵan adamdarǵa sanıtarlyq-epıdemıologıalyq sharalardy da saqtaý kerektigin eskertti. Óıtkeni vırýs áli bar.
Jýrnalıserdiń suraqtaryna jaýap bere otyryp, Elmıra Bıtanova aýasy tyǵyz ári jeldetilmeıtin bólmelerden aýlaq bolý kerektigin eskertti. Vırýs jabyq nemese aýa jeldetkishi qosýly bólmede tasymaldaný qaýpi joǵary ekenin aıtty.
«Vırýsty bir bólmeden ekinshi bólmege tasymaldaýǵa bolady. Óıtkeni Japonıadaǵy laınerlerde adamdar óz kabınalarynan shyqpaı-aq juqtyrǵan», - dedi Elmıra Bıtanova.
Onyń aıtýynsha, bir bólmege ornatylǵan jeldetkish vırýs týdyrmaıdy, biraq ol sýyq tıýge sebep bolady.
Elmıra Bıtanova antıdeneler máselesin de qozǵady. Onyń aıtýynsha, ǵylymı ortada osy taqyryp boıynsha pikirtalastar áli de jalǵasýda. Immýnolog antıdenelerdiń sanyn eseptemeýge shaqyrdy. Óıtkeni olar taýsylady, sonymen birge adamnyń jad jasýshalary saqtalady.
«Men qorǵalýym kerek» qaǵıdatyn ustana otyryp, sanıtarlyq normalardy saqtap, vaksına alǵan jón», - dedi dáriger.
Sóz sońynda Elmıra Bıtanova sońǵy eki ǵasyrda mıllıondaǵan adamnyń, sonyń ishinde balalardyń ómirin qıǵan birqatar indetterdi atap ótti. Osyǵan baılanysty ol barlyq juqtyrǵan adamdardan shekteý rejımin buzbaýdy surady. Barsha jurtty betperde taǵyp, koronavırýsqa qarsy ekpeni alýǵa shaqyrdy.