Kezdesýde uıymnyń kúsh áleýetin jetildirý máselesi talqylandy
Ujymdyq qaýipsizdik sharty uıymynyń (UQSHU) Bas hatshysy Imanǵalı Tasmaǵambetov Reseı Federasıasynyń Qorǵanys mınıstri, general Sergeı Shoıgýmen kezdesti, dep habarlaıdy Almaty-akshamy.kz Zakon.kz-ke silteme jasap.
UQSHU saıty taratqan málimette Shoıgý Tasmaǵambetovti jańa qyzmetimen (2023 jyly 1 qańtardan bastap úsh jyl merzimge) quttyqtaǵany aıtylady.
"Osy mańyzdy jáne jaýapty laýazymǵa taǵaıyndalýyńyzben birden quttyqtaı ketkim keledi, óıtkeni bizdiń uıymǵa kóp nárse baılanysty. Memlekettik aýqymdaǵy, al qazir memleketaralyq aýqymdaǵy qaıratker retindegi orasan zor tájirıbeńiz, onyń ishinde Qazaqstannyń Qarýly kúshterin qalyptastyrýǵa jumsaǵan eren eńbegińiz, Qorǵanys mınıstri retindegi tájirıbeńizdi eskere otyryp, ózińizge úmit artamyn", - dedi Reseı Federasıasynyń Qorǵanys mınıstri Sergeı Shoıgý.
Kezdesý barysynda Shoıgý men Tasmaǵambetov uıymnyń áskerı quramdas bóligin damytý, sondaı-aq onyń kúsh áleýetin jetildirý máselelerin talqylady.
Imanǵalı Tasmaǵambetov UQSHU-nyń Bas hatshysy qyzmetine 2023 jyldyń 1 qańtarynan bastap kiristi. UQSHU Bas hatshysy úsh jylǵa taǵaıyndalady. Tasmaǵambetovke deıin UQSHU Bas hatshysy qyzmetin Stanıslav Zas atqardy. UQSHU-ǵa Reseı, Armenıa, Belarýs, Qazaqstan, Qyrǵyzstan jáne Tájikstan kiredi.
2023 jyly 13 aqpanda Mınskide Aleksandr Lýkashenko Imanǵalı Tasmaǵambetovpen kezdesti.