WSJ málimetinshe, kásipker SpaceX memlekettik kelisimsharttaryna, ondaǵan myń jumys oryndaryna jáne trıllıon dollarlyq ınvestorlardyń aktıvterine qaýip tóndiretin ártúrli esirtkilerdi paıdalanady.
Tesla jáne SpaceX top-menedjerleri osy kompanıalardyń bas dırektory Ilon Masktyń esirtki qoldanyp júrgenine alańdap otyr, dep habarlaıdy almaty-akshamy.kz The Wall Street Journal (WSJ) basylymyna silteme jasap habarlaıdy.
"Tyıym salynǵan zattardy paıdalaný SpaceX-tiń úkimetpen mıllıardtaǵan dollarlyq kelisimsharttaryna qaýip tóndirýi múmkin", - dep túsindirdi basylym.
AQSH ulttyq aeronavtıka jáne ǵarysh keńistigin zertteý basqarmasy (NASA) bul fırmanyń qyzmetin birneshe ret qoldanǵan.
Degenmen, Ilon Mask The Wall Street Journal (WSJ) basylymynyń saýalyna jaýap qaıtarǵan joq.
"SpaceX-te esirtki synaqtarynan únemi jáne kezdeısoq túrde ótip turady. Birde-bir ret ótpeı qalmaǵan", - dedi onyń advokaty Aleks Spıro.
Sondaı-aq, basylymnyń habarlaýynsha, Mask óz kompanıalary qunynyń ajyramas bóligi bolyp tabylady. Sondyqtan, onyń áreketteri ınvestorlardyń 1 trln dollarlyq aktıvterine, ondaǵan myń jumys oryndaryna jáne AQSH ǵarysh baǵdarlamasynyń mańyzdy bóligine qaýip tóndirýi yqtımal.
"Ǵalamshardaǵy eń baı adam jekemenshik oıyn-saýyq keshterinde LSD, kokaın, ekstazı jáne gallúsınogendi sańyraýqulaqtardy paıdalanady. Al bul keshke qatysýshylar aqparatty jarıalamaý týraly kelisimge qol qoıyp nemese sharaǵa kirer aldynda telefondaryn tapsyrady", - dep atap ótti basylymnyń derekkózderi.