Eldegi sporttyń deńgeıin túsirmeý joldaryn izdeýge týra keledi.
Mádenıet jáne sport mınıstrliginiń keńeıtilgen otyrysynda Ilá Ilın ózin Aýyr atletıka federasıasynyń basshysy qyzmetine usyndy, dep habarlaıdy Almaty-akshamy.kz Baq.kz-ke silteme jasap.
«Aýyr atletıka federasıasynyń prezıdentin taba almaı kelemiz. Bir jarym jyl buryn men menedjer bolyp kirgen kezde, jattyqtyrýshylarmen sóıleskem, biz kóptegen máseleni talqyladyq. Bir sportshynyń óz-ózine qol salǵanyn da bilesizder. Sol kezde psıhologtar kerek ekenin aıttym. Óńirlerdi aralap, bapkerlermen sóılesip, eldegi sporttyń deńgeıin túsirmeý joldaryn izdeýge týra keldi», - dedi Ilın.
Ol óziniń komandasymen birge federasıa jumysyn qolǵa alýǵa daıyn ekenin aıtty.
«Men qazir áriptesterime, basshylyqqa, Altaı Kólginovke jáne Asqat Oralovqa ótinish bildiremin, bir sheshim qabyldańyzdar. Qoldaý bildirip, naqty tapsyrmalar berińizder», – dep málim etti sportshy.