Dástúr boıynsha temirjolshylar kóktemgi sý tasqynyna qysta daıyndala bastaıdy.
QTJ sý tasqyny kezinde turǵyndardy qaýipsiz jerge kóshirý úshin 45 poıyz bóledi, - dep habarlaıdy Almaty-akshamy.kz.
QTJ-daǵy sý tasqynyna qarsy is-sharalar baǵdarlamasy kóp jyldyq tájirıbege negizdelgen. Dástúr boıynsha, temirjolshylar kóktemgi sý tasqynyna qysta daıyndala bastaıdy.
«Sý tasqyny kezeńinde temir jol ınfraqurylymynyń shaıylýy men zaqymdanýynyń aldyn alý jáne joıý úshin «QTJ» UK» AQ jelisinde kesek taspen, relsti pakettermen, kondısıalyq emes temirbetondy shpaldarmen jáne basqa da materıaldarmen jaraqtandyrylǵan jýýǵa qarsy 45 poıyz qalyptastyrylatyn bolady. Qazirgi ýaqytta sý burý arnalary men sý ótkizgish qubyrlardy, drenajdyq qudyqtardy qardan tazartý boıynsha daıyndyq jumystary júrgizilýde. Kólik quraldary, drezınalar, avtotraktorlyq tehnıka daıyndalýda. Janar-jaǵarmaı materıaldarynyń apattyq qory qurylady», - delingen habarlamada.
Jergilikti atqarýshy organdar men tótenshe jaǵdaılar basqarmalary ókilderimen birlesip temirjolshylar temirjoldar tósemine tikeleı jaqyn ornalasqan bógetter men sý qoımalaryn tekseredi.
Sý tasqyny kezeńinde sý basýy múmkin ýchaskeler únemi baqylaýda bolady. Kóp jyldyq baqylaýlar nátıjeleri boıynsha temirjolda 670 jýyq yqtımal qaýipti oryndar bar. Bul ýchaskeler tizimin lokomotıv brıgadalary muqıat zertteıdi. Olarmen jer tóseminiń jýylýy jáne deformasıalanýy yqtımal jerlerde poıyzdardy júrgizý boıynsha qosymsha nusqamalar beriledi.