Buqar buǵysy QR Qyzyl kitabyna jáne Halyqaralyq Qyzyl kitapqa engizilgen.
Memlekettik tabıǵı rezervattqa taǵy da buqar buǵylary jiberildi. Qarasheńgel ańshylyq sharýashylyǵynan «İle-Balqash» rezervatynyń aýmaǵyna 61 buǵy ákelindi. Qazir atalǵan janýardyń jalpy sany 150 basqa jetip otyr, dep habarlaıdy Almaty-akshamy.kz Egemen.kz cilteme jasap.
Janýarlardyń qozǵalý aýmaǵyn baqylaý maqsatynda, olardyń jiberilgen jerine 6 fototuzaq ornatyldy. Sondaı-aq úsh buǵyǵa GPS sezbek ornatylǵan qarǵybaý taǵyldy. Atalǵan qurylǵynyń janýarlarǵa esh zıany joq.
Esterińizge sala keteıik, bul buqar buǵylarynyń «İle-Balqash» rezervaty aýmaǵyna tórtinshi ret jiberilýi – 2019 jyly 5 buǵy, 2020 jyly 15 jáne byltyrǵy jyly 61 bas ornalastyrylǵan bolatyn.
Aıta keteıik, buqar buǵylarynyń Balqash aýdanyna oralýy, jolbarysty Qazaqstanǵa jersindirý baǵdarlamasy aıasynda iske asyrylyp otyr. Ony Orman sharýashylyǵy jáne janýarlar dúnıesi komıteti Dúnıejizilik jabaıy tabıǵat qorymen (WWF) birlesip, BUUDB qoldaýymen iske asyrady.