Rezervat aýmaǵyna buǵylardy jersindirý 2018 jyly bastalǵan
Altyn Emel ulttyq parkinen «İle-Balqash» rezervatyna shamamen 50 bas qulan jetkizildi. Bul týraly Almaty-akshamy.kz Ekologıa mınıstrligine silteme jasap habarlaıdy.
Qulandardyń ortaǵa beıimdelýi jumsaq túrde ótýi úshin janýarlar aýmaǵy 22 gektar bolatyn arnaıy qorshaýǵa ornalastyryldy. Ol jerde shamamen 5-7 aı ýaqytqa deıin bolady, odan keıin tuıaqtylar tabıǵı ortaǵa jiberilmek.
Sonymen qatar atalmysh aýmaqqa taǵy da buqar buǵylary ákelindi. Rezervat aýmaǵyna buǵylardy jersindirý 2018 jyly bastalǵan bolatyn – sol jyly alǵash ret 5 tuıaqty qorshaý ishine jiberilgen. Erekshe qorǵalatyn tabıǵı aýmaq 2019 jyly 17 bas, 2020 jyly 30 bas, 2021 jyly 53 jáne bıyl 54 bas buǵymen tolyqty, onyń 15-i qazirgi tańda qorshaýǵa jiberilgen.
Qyzyl kitapqa engen janýarlardyń qozǵalý aýmaǵyn baqylaý maqsatynda ár qorshaýdyń ishine 2 fototuzaqtan ornatylǵan.
Aıta keteıik, tuıaqtylardyń Balqash aýdanyna oralýy jolbarysty Qazaqstanǵa jersindirý baǵdarlamasy aıasynda iske asyrylyp otyr. Ony Orman sharýashylyǵy jáne janýarlar dúnıesi komıteti Dúnıejúzilik jabaıy tabıǵat qorymen birlesip, BUUDB qoldaýymen iske asyrady.