11-i - oqýshy, odan bólek taǵy 24 adam zardap shekti
26 qyrkúıekte Reseıdiń Ijevsk qalasyndaǵy mektepte belgisiz er adam jan-jaǵyna oq jaýdyrdy. Sońǵy málimetter boıynsha, qaıtys bolǵandardyń 11-i oqýshy, odan bólek taǵy 24 adam zardap shekti, dep habarlaıdy Almaty-akshamy.kz Zakon.kz-ke silteme jasap.
Ijevski mektebindegi atys saldarynan qaza tapqandardyń sany 15-ke jetti, onyń 11-i - oqýshy, odan bólek taǵy 24 adam zardap shekti, dep jazady RIA Novostı.
Buǵan deıin habarlanǵandaı, sabaq bolyp jatqan ýaqytta ústine qara kıim kıgen belgisiz er adam mektepke basa-kóktep kirip, jan-jaǵyna oq jaýdyrǵan.
Keıin oq jaýdyrǵan er adamnyń denesi tabylǵany týraly aqparat paıda boldy. Qolda bar málimetter boıynsha, ol óz-ózine qol jumsaǵan.