İshki ister mınıstrligi jol júrisine qatysýshylarǵa aýa raıynyń qolaısyzdyǵyna baılanysty mańyzdy úndeý joldady, dep habarlaıdy aqshamnews.kz
Qurmetti jol júrisine qatysýshylar!
Aýa raıy nasharlaǵan saıyn jolda júrý qaýipsizdigi mańyzdyraq bola túsýde. Kóktaıǵaq, boran, qar nemese tuman jaǵdaıynda jolǵa shyǵý qaýipti. Mundaı jaǵdaıda uzaq saparlardan bas tartýǵa keńes beremiz. Óz jáne ózgelerdiń ómirin qaterge tigip, qıyndyqqa tap bolmaý úshin, aýa raıynyń jaqsarýyn kútken jón.
Eger jolǵa shyǵý qajet bolsa, kelesi keńesterdi este saqtańyz:
- Jyldamdyqty azaıtyńyz.
- Qaýipsiz qashyqtyqty saqtańyz.
- Basyp ozýdan jáne jyldam júristen aýlaq bolyńyz.
- Múmkindiginshe jaqyn mańdaǵy eldimekenge nemese qaýipsiz jerge toqtańyz.
Jol qyzmetteri, polısıa jáne qutqarý bólimsheleri táýlik boıy jumys isteıdi jáne kez kelgen jaǵdaıda kómek kórsetýge daıyn. Tótenshe jaǵdaı týyndaǵan jaǵdaıda dereý kómekke júginińiz.
Sonymen qatar, aýa raıyna baılanysty joldaǵy shekteýler men erejelerdi saqtaýdyń mańyzdylyǵyn eskertemiz. Shekteýlerdi buzý ózińizge de, basqalarǵa da qaýip tóndiredi. Zań buzýshylar jaýapqa tartylady.
Sizdiń qyraǵylyǵyńyz ben jaýapkershiligińiz – óz úıińizge aman-esen oralýyńyzdyń kepili. Ózińizge jáne jaqyndaryńyzǵa qamqor bolyńyz!