Parıj olımpıadasynda top jaryp, júlde alǵan dınamolyq sportshylar İshki ister mınıstrliginde boldy.
Sportshylar vedomstvo murajaıynda tarıhpen tanysyp, estelik kitabyna qoltańba qoıyp, jyly lebizderin jazdy. Jeńimpazdar men júldegerlerdi jarqyn jetistikterimen mınıstr Erjan Sadenov quttyqtady, dep habarlaıdy aqshamnews.kz Polisia.kz-ke silteme jasap.
– Biz sizderdiń árqaısylaryńyzdy maqtan tutamyz. Qandaı saıysqa shyqsańyzdar da, jeńisti bolsyn! Bul jalpy qazaq eline qosyp jatqan úlesterińiz. Taǵy da sizderdi shyn júrekten quttyqtaımyn! – dedi polısıa vedomstvosynyń basshysy.
Aıta ketý kerek, “Dınamo” sport uıymynyń sportshylary Parıjdegi olımpıada oıyndarynda bir altyn (Eldos Smetov), bir kúmis (Nurbek Oralbaı) jáne eki qola (Nazym Qyzaıbaı, Aleksandra Le) jeńip aldy.
– Úlken raqmetimdi aıtamyn qazaq eline! Parıjde bolǵanda qoldaýdy sezindik. Sondaı-aq İshki ister mınıstrligine alǵysymdy bildiremin. Buıyrtsa, kelesi olımpıada oıyndarynda kúmis medalimdi altynǵa aınaldyrýǵa barymdy salamyn. Ósip kele jatqan jas sportshylarǵa eńbek etińizder, synbańyzdar degim keledi, – dedi bokstan olımpıada oıyndarynyń kúmis júldegeri Nurbek Oralbaı.
Kók týymyzdy álemge tanytqan qyz-jigitterdiń eńbegi eren. Olar aldaǵy ýaqytta da úzdikter qatarynan kórinip, bıik belesterdi baǵyndyrady dep senemiz.