Jaýyngerlerdiń shoý baǵdarlamasy erekshe ótti
Vedomstvonyń ortalyq apparaty qyzmetkerleriniń balalary men Nur-Sultan qalasy mektep-lıseıleriniń biriniń jas kadetteri qatysty, dep habarlaıdy Almaty-akshamy.kz Polisia.kz saıtyna silteme jasap.
Áskerı tehnıka, polısıa kólikteri, qyzmettik ıtter búldirshinderdiń qyzyǵýshylyǵyn oıata tústi. Ashyq aspan astyndaǵy kórme jetkinshekterdiń kúlkisine toldy. Atalmysh sharaǵa mınıstr Marat Ahmetjanovtyń ózi qatysyp, kishkentaı qonaqtardy jazǵy merekemen quttyqtady. “Balalar kúni qarsańynda osyndaı bir shara ótkizip jatyrmyz.
«Ózderińiz bilesizder, 2022 jyl Memleket basshysy Qasym-Jomart Toqaevtyń Jarlyǵymen “Balalar jyly” dep jarıalandy. Bárimiz de balalarymyzdyń ár kúni baqytqa toly bolǵanyn qalaımyz. Óskeleń urpaq bilimdi ári básekege qabiletti bolsa, Qazaqstannyń da bolashaǵy zor bolady degen senimdemin», – dedi ishki ister mınıstri.
Sonymen qatar İİM basshysy sharada Stambýlda kıkboksıńten ótken Álem kýboginde top jarǵan jasóspirimderdi marapattady. “Alataý” sport saraıynyń sport seksıasynyń tárbıelenýshilerine alǵys hattar men estelik syılyqtar tabystaldy.
Bolashaqta tártip saqshysy bolýdy maqsat etken ul-qyzdardyń elimizdiń bas polıseıimen sýretke túsý múmkindigi boldy. Ata-analarynyń jumys isteıtin jerine kelip qonaq bolǵan balalar anımatorlarmen kóńil kóterip, qyzyqty konserttik baǵdarlamany tamashalady.
Búldirshinder alańda sýret salyp, jerdi alýan túspen bezendirdi. Sondaı-aq olardyń nazaryna Jedel qımyldaıtyn arnaıy jasaq jaýyngerleriniń shoý baǵdarlamasy usynyldy. Fızıkalyq daıyndyqtarymen kóptiń kóńilinen shyqqan jigitterge jınalǵandar alǵys aıtyp, qoshemet kórsetti.