18 naýryzda Tbılısı qalasynda Qazaqstan Respýblıkasy İİM M. Esbolatov atyndaǵy Almaty akademıasy men Grýzıa İİM akademıasy arasynda ǵylymı jáne bilim berý qyzmeti salasynda ózara túsinistik jáne yntymaqtastyq týraly memorandýmǵa qol qoıyldy, dep habarlaıdy Almaty-akshamy.kz Polisia.kz-ke silteme jasap.
Memorandýmda quqyq qorǵaý qyzmetiniń ózekti máseleleri boıynsha birlesken ǵylymı zertteýler men halyqaralyq konferensıalar ótkizý, semınarlar men basqa da is-sharalardy, tájirıbe almasýdy, birlesken bilim berý baǵdarlamalaryn júzege asyratyn yntymaqtastyqtyń nysandary men sharttary týraly erejeler qamtyldy.
Memorandým BUU-nyń Esirtki jáne qylmys jónindegi basqarmasymen birlesip júzege asyrylatyn “Qazaqstan Respýblıkasynyń ishki ister organdaryn reformalaýǵa járdemdesý” jobasynyń aıasynda Qazaqstan Respýblıkasy İshki ister mınıstrligi delegasıasynyń Grýzıaǵa sapary barysynda jasaldy. Atalǵan memorandým taraptarǵa polısıa kadrlaryn daıarlaý, qaıta daıarlaý jáne olardyń biliktiligin arttyrýdaǵy yntymaqtastyqty jandandyrýǵa múmkindik beredi.