19 jastaǵy qazaqstandyq Igor Kosolapov Kolýmbıanyń Kale qalasynda ótip jatqan 20 jasqa deıingiler arasyndaǵy jeńil atletıkadan álem chempıonatynda fınalǵa shyqty, dep habarlaıdy almaty-akshamy.kz
«Qazaqstandyq bıiktikke sekirýde 2,08 metrdi baǵyndyrdy. Fınal 5 tamyz kúni tańerteńge saǵat 4:10-da bastalady. Medaldar úshin 12 atlet talasatyn bolady: olardyń toǵyzy 2,08 metrdi eńserdi, qalǵan úsheýiniń nátıjesi – 2,04 metr.
Sondaı-aq 3 tamyz saǵat 20:45-te kvalıfıkasıada Anastasıa Rypakova (uzyndyqqa sekirý), 4 tamyzda saǵat 22:05-te Aqbaıan Nurmamet (1,5 metrge júgirý) óner kórsetedi.
Al Iasmına Toqsanbaeva (10 myń metrge sporttyq júris) 5 tamyz kúni saǵat 21:30-da birden medalǵa talasady», - delingen «Sport Shredıngera» Telegram-kanalynda.
Al Qazaqstan jeńil atletıka federasıasy Instagram-da: «Igor Kosolapov bıiktikke sekirýde 2.08 nátıjesimen fınalǵa ótti. Jaraısyń!», - dep jazdy.