Lıftiniń úshinshi qabattan birinshi qabatqa qulaǵany anyqtaldy
Elordada Almaty aýdanynda ornalasqan kópqabatty turǵyn úılerdiń birinde lıft qulady, dep habarlaıdy Almaty-akshamy.kz.
Nur-Sultan qalalyq tótenshe jaǵdaılar departamentiniń málimetinshe, keshe saǵat 10:45-te elordalyq qutqarýshylar Kúıshi Dına kóshesi boıyndaǵy 31 mekenjaıynda ornalasqan turǵyn úıde lıftiniń qulaǵany týraly habarlama boıynsha oqıǵa ornyna shyqqan.
«Qutqarýshylar kelip jetken kezde lıftiniń úshinshi qabattan birinshi qabatqa qulaǵany anyqtaldy. Qutqarýshylar kelgenge deıin zardap shekken eki adam óz betinshe lıftiden shyqqan. Zardap shegýshilerdi medısınalyq qyzmet mamandary tekserdi, jaǵdaılary qanaǵattanarlyq», - dep málimdedi departamentten.