Oq atpaý kelisimi 2 aıǵa deıin kúshinde bolady
Ramazan aıynyń qurmetine el bıligi men onyń jaqtasy Saýd Arabıasy bastaǵan arab koalısıasy jáne qarsylas opozısıalyq hýsıt toby beıbit bitimge keldi, dep habarlaıdy Almaty-akshamy.kz «Habar 24» telearnasyna silteme jasap.
Oq atpaý kelisimi 2 aıǵa deıin kúshinde bolady. Bul usynysty basynda Birikken Ulttar Uıymynyń bas hatshysy Antonıý Gýterrısh jasaǵan bolatyn. Bitim aıasynda hýsıtterdiń baqylaýyndaǵy aımaqtarǵa 18 júk kóligi janarmaı jetkizip turady. Sondaı-aq el astanasy Sana áýejaıynan Mysyr men Iordanıaǵa áýe reısteri ashylady. Sarapshylardyń aıtýynsha, Iemen ekonomıkasy, onyń ishinde densaýlyq saqtaý salasy tolyq kúıregen. Halyqtyń 80 prosenti ash-jalańash.
«Qarsylas taraptar qurlyq, teńiz jáne áýe áskerı operasıalaryn toqtatýǵa ýaǵdalasty. Bul beıbit bitim - Iemendegi uzaqqa sozylǵan soǵysty birjola toqtatýǵa jasalǵan alǵashqy qadam. Qaqtyǵysty beıbit retteý boıynsha kelissózderdi jańǵyrtýǵa jáne saıası úderisti qaıta bastaýǵa qolaıly sát týyp tur»,-deıdi BUU bas hatshysy Antonıý Gýterrısh.