Ekstremıster kepildegilerdi ózderiniń jaqtastaryna aýystyrǵysy keledi
Senbi kúni Iemende qarýly adamdar BUU-nyń gýmanıtarlyq bir qurylymynyń alty adamyn urlap áketken, onyń biri sheteldik azamat bolǵan, dep habarlaıdy Almaty-akshamy.kz.
«Nús Iemen» portalynyń málimetinshe, BUU qyzmetkerlerin eldiń ońtústigindegi Abán provınsıasynda qarýly top ustap áketken, olar Adenge qaıtyp kele jatqan. Sodyrlar sonymen qatar BUU qyzmetkerlerin alyp júrgen áskerı polısıa qyzmetkerin de birge alyp ketken.
Aldyn ala boljam boıynsha, ekstremıster kepildegilerdi ózderiniń jaqtastaryna aýystyrǵysy keledi, olardy buǵan deıin Ońtústik ótpeli keńes kúshteri ustaǵan edi.
Ońtústik ótpeli keńes bul oqıǵaǵa qatysy bar dep halyqaralyq «Musylman-baýyrlar» qaýymdastyǵyn aıyptady, olar óńirdegi sodyrlardy qoldap keledi, onyń ishinde «Ál-Kaıda» lańkestik toby da bar.
BUU ókilderi atalǵan provınsıada gýmanıtarlyq jaǵdaıdy tekserý úshin qyzmettik issaparda júrgen.