Ian Nepomnáshıı alǵa shyqty. Astanada klasıkalyq shahmattan álem chempıony anyqtalyp jatyr, dep habarlaıdy Almaty-akshamy.kz 24 kz-ke silteme jasap.
Bas júldeni reseılik Ian Nepomnáshıı men qytaılyq Dın Lıjen sarapqa salýda. Qos myqty arasyndaǵy alǵashqy kezdesý teń aıatalǵan bolatyn. Al kúni keshe ekinshi ret jolyǵyp, nátıjesinde reseılik sportshy basym tústi. Kezdesý 3 jarym saǵatqa sozyldy jáne 29-shy júristen keıin toqtatyldy. Osylaısha ázirge 1:0 esebimen Ian Nepomnáshıı alda tur. Qos shahmatshy dál osylaı 14 márte kezdesedi. Eger teń túsip jatsa, pleı-off uıymdastyrylyp, rapıd boıynsha ózara myqtyny anyqtaıdy. Negizgi básekege paralel ártúrli semınarlar men jarystar ótkizý josparlanyp otyr. Onyń ishinde balalar arasyndaǵy báseke men áıelder arasyndaǵy alaman bar. Aıta keteıik, bul jarysqa 16-shy álem chempıony Magnýs Karlsen qatysyp, óz ataǵyn qorǵaýy qajet edi. Biraq, ol halyqaralyq federasıamen aradaǵy kıkiljińge baılanysty, dúbirli dodaǵa kelmedi.