Elimizde alǵash uıymdastyrylyp otyrǵan is-sharaǵa halyqaralyq jáne qazaqstandyq BAQ ókilderi, týrızm salasynyń úzdikteri qatysty, dep habarlaıdy Almaty.aqshamy.kz.
İs-sharanyń alǵashqy sóz kezeginde Almaty oblysyn ákimdigi Marat Sultanǵazıev pen Aqparat jáne qoǵamdyq damý mınıstri Darhan Qydyráli forým qatysýshylaryna alǵys bildirdi.
-Eki kún óńirimizge aýǵan eldiń nazary erekshe. Qonaev qalasynda eki birdeı halyqaralyq deńgeıdegi is-shara uıymdastyrylyp jatyr. Olar - İ halyqaralyq medıa jáne týrızm forýmy jáne áýe sharlarynyń festıvali. Álemniń 15-ke jýyq elinen, elimizdiń ár óńirinen kelgen BAQ ókilderi tumsa tabıǵatymyz jaıly aqparattyq qoldaý qoldaý bildirgenderińizge rahmet! Týrızmdi damytý maqsatynda aqparat quraldaryna qoldaý bildirý mańyzdy. Qonaev qalasynda arnaıy G4 City qurylmaq. Atalǵan ekonomıkalyq aımaq 30 myń gektar aýmaqqa ornalasyp, QR "Arnaıy ekonomıkalyq jáne ındýstrıalyq aımaqtar týraly" zańynyń aıasynda jumys isteıdi. G4 City arnaıy aımaǵyn qurýdaǵy maqsatymyz - oblystyń jańa aýdandaryna otandyq jáne sheteldik ınvestısıalardy tartý úshin qolaıly ınvestısıalyq ahýalmen qamtamasyz etý, - deıdi Almaty oblysynyń ákimi Marat Sultanǵazıev.
Aıtýly sharany Túrkitildes jýrnalıser qory men Almaty oblysynyń ákimdigi, Aqparat jáne qoǵamdyq damý mınıstrligi, Mádenıet jáne sport mınıstrligi birlesip uıymdastyryp jatyr.
-Qonaev qalasy azamattyq jýrnalısıkanyń jáne álemdik týrızmniń otanyna aınalaryna senimdimin. Prezıdent óz sózinde Qonaev qalasy aldaǵy ýaqytta ǵylym-bilim, stýdent jastar qalasyna aınalý kerektigin aıtty. Osy rette, Qonaevtaǵy jastar jaıly serıal túsirýdi qolǵa alýdy josparlap otyrmyz. Qyrkúıek aıynda medıaforým jáne “Úrker” syılyǵyn biriktirmekpiz. Bıyl “Úrker” syılyǵyna “Úzdik You Tube arna”, “Úzdik podkast” syndy eki jańa atalymdy qosamyz. Aldaǵy ýaqytta medıa salasy arqyly elimizdiń týrızmin damytýdy qolǵa almaqpyz. Osy rette, Túrkitildes jýrnalıser qoryna úlken alǵysymdy bildiremin. Bul is-shara týrızmdi damytýdyń úlken bastamasy boldy dep nyq senimmen aıtamyn, - deıdi Aqparat jáne qoǵamdyq damý mınıstri Darhan Qydyráli.
Forým medıa jáne týrızm salasyndaǵy tájirıbe almasýǵa yqpal etý jáne aqparat keńistigin damytý, elimizdegi kórikti jerler men tarıhı-mádenı oryndardy sheteldik jáne otandyq baspasóz ókilderine tanystyrý, túrkitildes jýrnalıser arasynda yntymaqtastyq pen áriptestik baılanysty arttyrý maqsatynda ótkizilip otyr.