Depýtattar zań jobasyn birinshi oqylymda maquldady
Parlament májilisi keıbir zańnamalyq aktilerge "Memlekettik korporasıa máseleleri boıynsha ózgerister engizý týraly" zań jobasyn birinshi oqylymda maquldady, dep habarlaıdy Almaty-akshamy.kz
Depýtat, zańnama jáne sot-quqyqtyq reforma komıtetiniń múshesi Danabek Isabekovtiń aıtýynsha, zań jobasynda memlekettik qyzmetterdi tikeleı kórsetetin jáne qoljetimdiligi shekteýli derbes derekterge qoljetimdiligi bar memlekettik korporasıa qyzmetkerlerin memlekettik fýnksıalardy oryndaýǵa ýákilettik berilgen adamdarǵa teńestirý normasy kózdelgen. Qylmystyq kodekske jáne "Sybaılas jemqorlyqqa qarsy is-qımyl týraly" zańǵa ózgerister engizilýde.
"Bul túzetýler memlekettik korporasıa qyzmetkerleri tarapynan teris paıdalaný men quqyqbuzýshylyqtardyń aldyn alýǵa, azamattardyń quqyqtaryn qorǵaýǵa baǵyttalǵan. Qoldanystaǵy zańnamada kózdelgen quqyqbuzýshylyqtar jasalǵan jaǵdaıda, memlekettik korporasıanyń osy qyzmetkerleri memlekettik fýnksıalardy oryndaýǵa ýákilettik berilgenderge teńestirilgen retinde jaýapty bolady", - dedi Isabekov májilistiń jalpy otyrysynda.
Sonymen qatar "Azamattarǵa arnalǵan úkimet" memlekettik korporasıasy uǵymyn odan qyzmet baǵyttaryna nusqaýlardy alyp tastaý jolymen ońtaılandyrý kózdelgen. Bul biryńǵaı provaıder arqyly kórsetiletin qyzmet túrlerin ulǵaıtý boıynsha úzdiksiz jumys isteýge múmkindik beredi.
Buǵan qosa memlekettik korporasıaǵa aqparattyq júıe aıasynda ótinishterdi qabyldaýdy uıymdastyrý quzyreti beriledi. Bul norma azamattarǵa ákimshilik organdarǵa júginýge, jaýap alýǵa, sondaı-aq ótinishterdi qaraý sapasyn baqylaýǵa múmkindik beretin pılottyq rejımde tekserilgen júıeni ("E-otinish") paıdalanýdy zańnamalyq turǵydan bekitedi.