Horvatıa 2023 jyldy jańa valútamen qarsy alady. Bul el 1 qańtardan bastap eýroǵa ótedi, dep habarlaıdy Almaty-akshamy.kz Inform.kz-ke silteme jasap.
Biryńǵaı eýropalyq valútaǵa kezeń-kezeńimen, biraq jyldam ótý aıasynda bankomattardyń jartysynan astamy óshirildi. Bul bankomattardy jańa valútamen tolyqtyrý úshin jasaldy.
Horvatıalyq kýna men eýro tek 14 kún boıy ǵana qolma-qol tólem jasaý úshin teń qoldanylady.
«Qoldaryńyzda qolma-qol aqsha bolǵany durys, sebebi demalys kúnderi bank júıesi ótpeli jaǵdaıda bolady. Karta da, ınternet-bankıng te jumys istemeıdi. 2 qańtarda bári burynǵydaı durys jumys jasaýy tıis», - dedi Horvatıa Ulttyq bankiniń tóraǵasy Borıs Výıchıch.
2023 jyldyń 1 qańtarynan Horvatıa resmı túrde Shengen aımaǵyna qosylady. Adamdar EO kórshi elderi arasynda tólqujat baqylaýynsyz shekarany kesip óte alady.