Ońtústik Koreıanyń Kanvon qalasynda ótip jatqan IV qysqy jasóspirimder Olımpıadasynda qazaqstandyq hokeıshiler jartylaı fınalǵa joldama aldy.
Qazaqstan quramasy toptyq kezeńiniń jetinshi oıynynda Ulybrıtanıa komandasynan 22:13 esebimen basym tústi, dep habarlaıdy almaty-akshamy.kz.
Endi, erteń otandastarymyz latvıalyqtarmen oınaıdy. Fınalǵa shyǵý úshin taǵy bir kezdesýde Avstrıa men Danıa kúsh synasady.
Esterińizge sala keteıik, otandastarymyz altynshy kezdesýinde Ispanıa quramasyn 14:4 esebimen jeńgen bolatyn.
Esterińizge sala keteıik, qazaqstandyq hokeıshiler Olımpıadanyń alǵashqy oıynynda Polshany 18:8 (3:2, 5:4, 10:2) esebimen qapy qaldyrǵanyn jazǵan edik. Al Taıbeıden kelgen qarsylastaryn 14:2 esebimen jeńdi.
Alaıda, jarystyń ekinshi kúni Avstrıadan 8:9 esebimen utylsa, Latvıadan 11:15 esebimen jeńilip qaldy. Olımpıadanyń úshinshi kúni Danıa quramasyna qarsy kezdesýde qarsylastaryna 8:6 esebimen jol bergen edi.