24 qańtardan bastap mektep oqýshylary úshin Almaty mýzeılerine kirý tegin bolady.
Búgin qala ákimdigi tıisti sheshimge qol qoıdy. Bul oqý prosesin baıytyp qana qoımaı, balalardyń mádenıetke, ónerge jáne tarıhqa degen tereń qyzyǵýshylyǵyn oıatýǵa múmkindik beredi. Sonymen qatar, mýzeılerge barý arqyly olardyń synı oılaý qabileti men analıtıkalyq daǵdylary da damı túsedi, dep habarlaıdy almaty-akshamy.kz.
«Elimizde 3,9 mln oqýshy bar. Biz barlyq bala men jasóspirim óner týyndylaryn, artefaktiler men eksponattardy óz kózderimen kórip, dúnıetanymyn keńeıtkenin qalaımyz. Bul olarǵa qosymsha bilim alyp, tarıhı oqıǵalarǵa tereń úńilýge kómektesedi. Mektep oqýshylary mýzeılerge negizinen synyp jetekshilerimen birge keletinin baıqaımyz. Endi olar oqý jyly barysynda da, demalys kezinde de Almaty ákimdigine qarasty mýzeılerge tegin bara alady», – dep habarlady qala ákimdigi.
Mektep oqýshylary tegin bara alatyn mýzeılerdiń tizimi men mekenjaıy:
1. Almaty tarıhy mýzeıi (Qabanbaı batyr kóshesi, 132)
2. Yqylas atyndaǵy halyq mýzykalyq aspaptar mýzeıi, (Zenkov kóshesi, 24/A),
3. D.A. Qonaev mýzeıi (Tólebaev kóshesi, 117),
4. Ádebı-memorıaldyq mýzeı kesheni:
S. Muqanovtyń mýzeı-úıi (Tólebaev kóshesi, 125, 3-páter)
Ǵ. Músirepovtiń mýzeı-úıi (Qarasaı batyr kóshesi, 49, 25-páter)
5. Tilendıevtiń memorıaldyq mýzeıi (Qonaev kóshesi, 96),
6. A.Baıtursynulynyń mýzeı-úıi (Baıtursynuly kóshesi, 60)
7. Raıymbek batyr mýzeı kesheni (Raıymbek batyr dańǵyly, 96 a)
8. Mýltımedıalyq dástúrli mýzyka ortalyǵy (Nurkent sh/a, 5/11)
