Qasym-Jomart Toqaevqa el sportshylarynyń HHHİİİ jazǵy Olımpıada oıyndaryna daıyndyǵy týraly esep berildi. Sondaı-aq lısenzıalyq týrnırlerdiń qorytyndysy jóninde baıandaldy, dep habarlaıdy almaty-akshamy.kz.
Mınıstrdiń aıtýynsha, tórt jyldyqtyń basty dodasyna Qazaqstan ulttyq quramasy sporttyń 25 túrinen 92 lısenzıa ıelengen. Parıjde barlyǵy 80 sportshy el namysyn qorǵaıdy.
Ermek Marjyqpaev ulttyq quramanyń Olımpıadaǵa deıingi oqý-jattyǵý jıyndary men sportshylardy qoldaý sharalary týraly aıtty. Sonymen qatar sportty basqarý ınstıtýttaryn jetildirý baǵytynda júrgizilip jatqan jumystardyń esebin berdi.
Memleket basshysy Olımpıada oıyndarynyń sportshylarymyzǵa zor jaýapkershilik júkteıtinin atap ótti. Sondaı-aq Qazaqstan quramasy álem aldynda mádenıetti, ustamdy ári ozyq úlgilerimen erekshelenýge tıis ekenine nazar aýdardy.