2025 jylǵy Qysqy Azıa oıyndarynyń resmı saıty Harbınde (Qytaı) bıletterdi satýdyń bastalǵanyn habarlady.
Uıymdastyrý komıtetiniń málimetinshe, bıletterdi resmı saıttyń "Tickets" bóliminde nemese arnaıy bılet platformasy arqyly satyp alýǵa bolady. Sondaı-aq, WeChat qosymshasy arqyly da satyp alý múmkindigi bar.
Qazirgi kezeńde muz ústinde ótetin bes sport túrine arnalǵan bıletter qoljetimdi: hokeı, kónkımen júgirý, short-trek, mánerlep syrǵanaý jáne kórlıng. Eń qymbat bılettiń baǵasy 800 ıýándy (57 634 teńge), al eń arzany 120 ıýándy (8 645 teńge) quraıdy. Keıbir sport túrleri úshin ártúrli baǵa sanattary usynylǵan.
Aıta keteıik, shańǵy jarysy, taý shańǵysy, skı-alpınızmi, bıatlon jáne frıstaıl-akrobatıka boıynsha jarystar shekteýli oryndarǵa baılanysty bıletsiz ótedi.
Harbındegi Azıa oıyndary 7-14 aqpan aralyǵynda uıymdastyrylady.