Bolat Nazarbaev pen Maıra Qurmanǵalıevanyń ulyna zańsyz qurylys júrgizgeni úshin aıyppul salyndy, dep habarlaıdy almaty-akshamy.kz.
22 jastaǵy Hanbolat Nazarbaev Astanadaǵy Táýelsizdik dańǵylynda saýda oıyn-saýyq ortalyǵynyń qurylysyn bastaǵan. Buryn ol jerde qonaqúı men meıramhana bolǵan.
Jer telimi 2020 jyldyń aqpan aıynda, týǵan kúninen keıin Bolat Nazarbaevtyń ulyna syıǵa tartý sharty boıynsha berilgen. Ol nysandy salýǵa ruqsat almaı jáne aldyn ala eskertpesten keshendi buzyp, ornyna saýda ortalyǵyn salýǵa kirisedi.
Jer zańnamasyn jáne sáýlet, qala qurylysy jáne qurylys qyzmeti týraly zańnamany óreskel buzǵany úshin Hanbolat Nazarbaevqa 103 500 teńge kóleminde aıyppul salyndy. Sonymen qatar ol zańsyz nysandy buzýǵa mindetti.