Qazaqstan musylmandary Dinı basqarmasyna tabystaldy.
Memleket basshysy Túrkistanda ótken Ulttyq quryltaıdyń ekinshi otyrysynda áıgili Maral ıshannyń Kenesary hanǵa syılaǵan Quran kitaby tabylǵany jáne onyń elge oralǵany jaıynda málim etken bolatyn, dep habarlaıdy Almaty-akshamy.kz Aqordanyń resmı saıtyna silteme jasap.
Qasym-Jomart Toqaev óz sózinde Kenesary hannyń Qurany Qazaqstan musylmandary Dinı basqarmasyna tabystalatynyn atap ótken edi.
Búgin Prezıdenttiń tikeleı tapsyrmasy boıynsha Memlekettik keńesshi Erlan Qarın Múftıatqa baryp, Kenesary hannyń Quranyn tabystady.
Memlekettik keńesshi Qurandy otandyq jáne sheteldik joǵary bilikti, tájirıbeli mamandar tolyqtaı zerttegenin, biraýyzdan onyń Kenesary hanǵa tıesili ekenin anyqtaǵanyn aıtty. Sonymen qatar ol Qurannyń jan-jaqty sıpattamasyn baıandap, erekshelikterin jetkizdi.
Ǵalymdar Qurannyń bul nusqasy qazaq halqynyń tarıhı jádigeri ekenin rastap, onyń tarıhı jáne mýzeılik qundylyǵy óte joǵary dep baǵalap otyr.
Saltanatty rásimge qoǵam qaıratkerleri, zıaly qaýym ókilderi, Ulttyq quryltaıdyń músheleri men din qyzmetkerleri qatysty.