Keshe Konstıtýsıa kúni qarsańynda"Azamattarǵa arnalǵan úkimet" MK KE AQ nyń Almaty oblysynyń basshysy Bektursynov Talǵat Bektursynuly 10 jyldan asa halyqqa qyzmet kórsetip kele jatqan, qurmetke laıyq áriptesterdi qabyldady, dep habarlaıdy aqshamnews.kz.
"Konstıtýsıa – memleketimizdiń negizgi zańy ǵana emes, egemendigimizdiń, táýelsizdigimizdiń jáne birligimizdiń berik tuǵyry. Ol elimizdiń demokratıalyq damý baǵytyn aıqyndap, árbir azamattyń quqyqtary men bostandyqtarynyń kepili bolyp keledi.
Halyqqa qyzmet kórsetý ortalyǵynyń basty maqsaty – azamattardyń zańmen bekitilgen quqyqtaryn júzege asyrýǵa jaǵdaı jasaý, memlekettik qyzmetterdiń qoljetimdiligi men sapasyn arttyrý. Bul jolda Sizderdiń árqaısyńyzdyń eńbekterińiz erekshe baǵaly.
Osy merekeli kúni Sizderge zor densaýlyq, otbasylaryńyzǵa baq-bereke, kásibı joldaryńyzǵa tabys tileımin! Elge adal qyzmet etip, halyqtyń senimin aqtaı bereıik!
Mereke qutty bolsyn!" - dep áriptesterine izgi tilegin joldady fılıal basshysy Talǵat Bektursynuly
Mereke sońy saltanatty is - sharaǵa ulasyp, áriptester alǵys hattarmen marapattaldy. Estelikke syı - sıapattar tabystaldy.