Sıfrlyq damý, ınovasıalar jáne aeroǵarysh ónerkásibi mınıstrliginiń Informasıalyq qaýipsizdik komıtetiniń tóraǵasy Rýslan Abdıkalıkov elimizde Halyqqa qyzmet kórsetý ortalyqtarynyń tolyq jabylýy týraly taraǵan aqparatty joqqa shyǵardy, dep habarlaıdy aqshamnews.kz
Onyń aıtýynsha, HQKO-dy jabýdyń eshqandaı qajettiligi joq. Azamattar kórip otyrǵan HQKO jumysyn tek «front-ofıs» dep ataýǵa bolady, ıaǵnı bul azamattardyń HQKO-ǵa baryp, qyzmetkerlermen tikeleı qarym-qatynas jasaıtyn bólimder. Alaıda HQKO – bul tek qyzmet kórsetý zaldary ǵana emes. Munda kópshilik kórmeıtin, kúndelikti ákimshilik jumystardy atqaratyn qyzmetkerler de bar.
«Bankterde nemese basqa da onlaın servısterde keıbir memlekettik qyzmetter qoljetimdi bolǵanymen, bul HQKO-lardyń qajettiligin joıý degendi bildirmeıdi. Bankter ózderiniń klıentteriniń derekterimen ǵana jumys isteıdi, al elimizde 20-dan astam bank bar. Eger memlekettik derekterdiń birtutas qoımasy bolmasa, banktik qosymshalardy paıdalaný azamattar úshin yńǵaısyz bolady», – dedi Rýslan Abdıkalıkov.
Ol sondaı-aq, HQKO-tardy jabý jónindegi bastama qazirgi ýaqytta qarastyrylyp jatqan joq ekenin atap ótti.