Bıyl 4-shi toqsanda Almaty ákiminiń halyqpen kezdesý formaty ózgerdi. Bul týraly megapolıs basshysy Erbolat Dosaev OKQ-de ótken brıfıńkte jýrnalıserdiń suraǵyna jaýap berdi.
Onyń aıtýynsha, "Halyq únine qulaq asatyn memleket" tujyrymdamasy aıasynda jáne QR Prezıdentiniń "Ákimderdiń halyqpen kezdesýlerin ótkizý týraly" Jarlyǵyn oryndaý maqsatynda toqsan saıyn Almaty ákiminiń qalanyń segiz aýdanynyń árqaısysymen keminde bir kóshpeli kezdesýi ótkiziledi.
Úsh toqsan boıy halyqpen kezdesýler akt zaldarynda ótkizildi. Sońǵy aılarda Almaty ákimdigi gıbrıdti formatqa kóshti.
"Kezdesýlerdiń formaty ózgerdi. Men aýdandarǵa shyǵa bastadym. Barlyq 8 aýdandy araladym, problemalyq ýchaskelerde boldym. Menińshe, mundaı sqema turǵyndar úshin de yńǵaıly, biz sol jerde sheshim qabyldaı alamyz. Jalpy bıyl 8 aýdan boıynsha 32 kezdesý ótkizdim", - dedi Erbolat Dosaev.