OKQ brıfıńi barysynda BAQ ókilderi Almaty ákimi Erbolat Dosaevtan ony kelesi premer-mınıstr etip taǵaıyndaý týraly keıbir sarapshylardyń boljamdaryna túsinikteme berýin surady.
"Bul suraq maǵan OKQ-de maýsym aıynda ótken brıfıń kezinde qoıylǵan edi, endi mine taǵy da qaıtalanyp otyr. Búgin men sizderge Almatyny damytý boıynsha atqarylatyn josparlar týraly aıttym. Men oryndalýy tıis qazirgi jumystarǵa ǵana nazar aýdaramyn. Eger siz tereńirek úńilip, qazirgi jumysyńyz unaı ma dep saýal qoısańyz, onda men esh oılanbastan ıa, unaıdy dep jaýap beremin. Jumysym órkennıetti ári osy baǵytta óz qyzmetimdi jalǵastyrǵym keledi", - dedi ákim.
Erbolat Dosaev: "Múmkin taǵaıyndaýǵa qatysty máseleler sarapshylardyń da, meniń de quzyretinde emes. Úkimet te, ákimder de jumystaryn jasaýda ári árqaısysy óz deńgeıinde. Bul durys dep oılaımyn. Meniń jeke basyma nazar aýdarǵanyńyz úshin taǵy da rahmet. Biraq meniń josparlarymda turǵan basty máseleler qalany damytý boıynsha aıaqtalmaǵan is-sharalardy júzege asyrý".