Q.A.Iasaýı atyndaǵy Halyqaralyq qazaq-túrik ýnıversıtetiniń Ókiletti keńes tóraǵasy, profesor, doktor Muhıttın Shimshek, Eýrazıalyq ǵylymı-zertteý ınstıtýtynyń dırektory, doktor Sýat Beılúr «Alatau Aqparat» medıaholdıngine keldi.
Taraptar aqparat salasyndaǵy áriptestikti arttyrý týraly áńgime qozǵady. Medıaholdıngtiń bas dırektory Erjan Qalymbaıuly Ókiletti keńes tóraǵasy Muhıttın Shimshekti «Alatau Aqparat»-qa qarasty aqparat quraldarynyń jumystarymen sondaı-aq aldaǵy josparlarymen tanystyrdy.
2023 jyly «Alatau Aqparat» medıaholdıngi men Q.A.Iasaýı atyndaǵy Halyqaralyq qazaq-túrik ýnıversıtetine qarasty Eýrazıalyq ǵylymı-zertteý ınstıtýty arasynda yntymaqtastyq týraly memorandýmǵa qol qoıylǵan bolatyn. Atalǵan qujat sheńberinde ınstıtýttyń Túrkıadan kelgen oqytýshysy bir top jýrnalıske túrik tilin tegin úıretýde. Kýrs aıaqtalǵannan keıin qatysýshylarǵa Qoja Ahmet Iassaýı atyndaǵy Halyqaralyq qazaq-túrik ýnıversıteti lıngvısıkalyq ortalyǵynyń arnaıy sertıfıkattary beriledi.
Óz kezeginde Erjan Qalymbaıuly osyndaı múmkindik týǵyzǵany úshin Q.A.Iasaýı atyndaǵy Halyqaralyq qazaq-túrik ýnıversıtetiniń Ókiletti keńes tóraǵasy, profesor, doktor Muhıttın Shimshekke alǵysyn bildirdi.