Memleket basshysy Qasym-Jomart Toqaev 2025 jyldy Jumysshy mamandyqtary jyly dep jarıalady. Osy ýaqyt ishinde tehnıkalyq jáne kásibı bilim berý júıesin reformalaý qajet. Sondaı-aq biz jumysshy mamandyqtaryn dáripteý arqyly qoǵamda eńbekqor jáne naǵyz maman bolý ıdeıasyn nasıhattaımyz.
Adal ári tabandy eńbegimen tabysqa jetken adamdar qashanda qurmetti, syıly bolýy kerek. Bul biz usynyp otyrǵan «Adal azamat – Adal eńbek – Adal tabys» qaǵıdatyna tolyq saı keledi. Bir sózben aıtqanda, bizdiń qoǵamda eńbekqorlyq, kásibılik sıaqty qasıetter óte joǵary baǵalanýǵa tıis. Óz kásibin jetik meńgergen mamandar ult sapasyn arttyrady, osy oraıda Almaty qalasynyń bilim basqarmasy men Almaty qalasynyń ákimdiginiń qoldaýymen Almaty elektrmehanıkalyq koleji arnaıy pán oqytýshylary men sheberleri bolyp 2024 jyldyń 19 qazan 21 jeltoqsan aralyǵynda sheteldik taǵylymdamadan óttik.
Taǵylymdamanyń maqsaty kásiptik tehnıkalyq bilim berý salasyndaǵy oqytýshylardyń kásibı deńgeıin kóterý, bilimgerlerge bilim berý sapasyn jaqsartý barysynda qajetti materıaldar jınaqtaý, sondaı aq bilim berý baǵdarlamasynyń bilim berý komponentiniń bir bóligin ázirleý maqsatynda uıymdastyrylǵan. Taǵylymdama baǵdarlamasyna semınarlar, ekskýrsıalar, kásiporyndarǵa barý, sondaı-aq Eýropanyń tehnıkalyq kolejderine barý kirdi.
Bul is-sapar barysynda Vengrıa memleketiniń astanasy Býdapesht qalasynan bastadyq, bul qalada Djon fon Neıman Ýnıversıtetiniń bilim berý júıesimen jáne GAMF(Informatıka jáne ınjenerıa) fakúltetine baryp ABB robattarymen tanystyq, jáne Vengrıa memleketiniń Kechkemet aýdanynda ornalasqan kún panelderi arqyly energıa alyp otyrǵan keshenge baryp, kún panelderi týraly aqparat alyp qaıttyq,budan bólek Slass Global HR SU jáne Linamar atty óndiris oryndaryna baryp úlken tájirbıe aldyq, ekinshi saparymyz Slovenıa memleketiniń Lúblána qalasynyń Tehnıko-mehanıkalyq kolejine baryp ZD labaratorıalar jáne rabottarmen jumys jasap úırendik. Kolej óz jetistikteri men ózderiniń bilim berý baǵdarlamalarymen bólisti.
Oqytýshy men sheberlerdiń quramynyń biliktiligin kóterýge baǵyttalǵan bul is-shara otandyq tehnıkalyq orta bilimdi ǵylymdy damytýǵa qatysty jańa ıdeıalardyń qalyptasýyna jáne oı tujyrymdar jasaýǵa negiz boldy.
Tájirıbe qorytyndysy boıynsha teorıalyq bilimderimizdi saralap, praktıkalyq daǵdylardy meńgeredik. Osynyń barlyǵy básekege qabiletti mamandardy daıyndaýǵa yqpal etedi. Eýropa elderinen taǵylymdamadan ótip, ózimizge bilim salasyna kerekti ómirlik azyq jınaqtadyq. Almaty qalasynyń bilim basqarmasy men Almaty qalasynyń ákimdigine shet elge baryp bilimimizdi shyńdaýǵa múmkindik bergeni úshin alǵysymyzdy bildiremiz!
Óndiristik oqytý sheberi
Naljan Móldir Nurǵanatqyzy