Bilim báıgesine álemniń 16 elinen 130 jas ǵalym qatysqan.
Qazaqstan quramasy hımıa páninen ál-Bırýnı atyndaǵy halyqaralyq olımpıadada tórt medal jeńip aldy, dep habarlaıdy Almaty-akshamy.kz
Oqý-aǵartý mınıstrliginiń málimetinshe, Ózbekstan Respýblıkasynyń Hıýa qalasynda ótken Ábý Raıhan ál-Bırýnı atyndaǵy hımıa páninen halyqaralyq olımpıadaǵa álemniń 16 elinen 130 jas ǵalym qatysty. Qazaqstan ulttyq komandasynyń quramyna hımıa páninen halyqaralyq Mendeleev olımpıadasynyń 4 júldegeri engen bolatyn. Tórteýi de ál-Bırýnı atyndaǵy olımpıada júldegeri atandy.
Olar:
Ádiljan Moldaǵulov— Mańǵystaý oblysynyń «Bilim-ınnovasıa» lıseı-ınternatynyń 10 synyp oqýshysy;
Dıas Qorshybek — Jambyl oblysynyń daryndy er balalarǵa arnalǵan «Bilim-Innovasıa» lıseı-ınternatynyń 10 synyp oqýshysy;
Álıhan Smet — Astana qalasynyń daryndy er balalarǵa arnalǵan «Bilim-ınnovasıa» lıseı-ınternatynyń 11 synyp oqýshysy;
Insar Imash — Almaty qalasyndaǵy Haileybury Almaty mektebiniń 11 synyp oqýshysy.
Aıta ketsek, Ábý Raıhan ál-Bırýnı atyndaǵy halyqaralyq olımpıada Ózbekstanda alǵash ret uıymdastyryldy. Olımpıada eki kezeń boıynsha ótti. Qatysýshylardyń bilimi men áleýeti jazbasha jáne praktıkalyq zerthanalyq jumystarmen baǵalandy.