Bilim salasyndaǵy eleýli ózgerister
Premer-Mınıstrdiń orynbasary Eraly Toǵjanov halyqaralyq olımpıadalardyń jeńimpazdaryna qandaı qoldaý jasalatynyn aıtty.
Úkimette ótken onlaın baspasóz máslıhatynda Eraly Toǵjanov pedagogtardyń biliktiligin arttyrý kezeńi qysqarǵanyn málimdedi, dep habarlaıdy Almaty-akshamy.kz.
«Búgingideı aqparat zamanynda bilimniń mazmuny jyldam ózgeretinin eskere otyryp, pedagogtardyń biliktiligin arttyrý kezeńi 5 jyldan 3 jylǵa aýystyrylady»,- dedi Eraly Toǵjanov Úkimettegi onlaın baspasóz máslıhatynda.
Sonymen qatar ol halyqaralyq olımpıadalardyń jeńimpazdary men júldegerlerine joǵary oqý oryndaryna konkýrssyz granttar beriletinin aıtty.
«Bul sheshim talantty jastardy jalpy qoldaýǵa baǵyttalǵan, olardyń elimizde tegin joǵary bilim alýyna jol ashady. Sondaı-aq halyqaralyq olıpıadalardyń jeńimpazdaryna, olardyń pedagogtary men tálimgerlerine birjolǵy aqshalaı syılyqtar da taǵaıyndalatyn bolady», - dedi E. Toǵjanov.