Reseı Federasıasynan halyqaralyq baqylaýshylar Mıhaıl Lebendenskıı men Lıra Býrak Almaty qalasynyń saılaý ýchaskilerindegi daýys berý barysy týraly óz baqylaýlarynyń nátıjesin habarlady.
- Biz eki kún buryn referendýmǵa daıyndyq barysyn baqylaýdy bastadyq. Baqylaý nátıjesinde barlyq daýys berý ortalyqtary joǵary deńgeıde daıyn ekenin aıta alamyz. Sondaı-aq, qala turǵyndarymen tildesý barysynda almatylyqtardyń referendým týraly barynsha aqparattanǵanyna kózimiz jetti. Búgin saılaý ýchaskeleriniń ashylýynan bastap, 12 ortalyqty aralap úlgerdik. Kúnniń sońynda deıin ázirge barmaǵan saılaý ýchaskilerin baqylaıtyn bolamyz. Adamdardyń belsendiligi týraly aıtatyn bolsaq, almatylyq daýys berýshiler tańǵy saǵat 8:30-dan bastap belsendi kele bastady. 10:00-ge qaraı adamdardyń sany kúrt kóbeıgeni kórindi. Qazaqstanda daýys berý bir kúnge ǵana sozylatyndyqtan barlyq adamdardyń daýys berip úlgergeni mańyzdy, – dedi Mıhaıl Lebendenskıı.
- Túske deıingi baqylaýymyz boıynsha daýys berý ortalyqtarynda qajetti jabdyqpen qamtý jaǵynan zań buzýshylyq tirkelmedi. Múmkindigi shekteýli adamdarǵa barlyq jaǵdaı jasalǵan. Jalpy saılaý ortalyqtaryndaǵy kóńil-kúı turaqty, tipti kóńildi dese bolady, – dedi Lıra Býrak.