Almaty qalalyq Kardıologıa ortalyǵynyń dáriger-epıdemıology Quralaı Kádiráliqyzy otbasymen baryp respýblıkalyq referendýmǵa daýys berdi. Ol daýys berýshilerdiń sany saǵat sanap artyp kele jatqanyn aıtady dep habarlaıdy almaty-akshamy.kz
– Búgin jubaıymyz ekeýmiz Naýryzbaı aýdanyndaǵy «Shuǵyla» yqshamaýdanyna qarasty «Samaı» matematıka-lıngvıstıkalyq mektebinde ornalasqan №577 saılaý ýchaskesine kelip óz tańdaýymyzdy jasap, daýys berdik.
Baıqaǵanym, daýys berýge bastapqyda egde jastaǵy turǵyndar kóp kelip jatty. Ájelerimiz kájekeılerin kıip, sándenip alǵan. Odan keıin jas otbasylar balalyrymen birge baryp, óz tańdaýlaryn jasady. Túske qaraı jastar tipti kóbeıe tústi.
Al daýys berý ýchaskesinde barlyq jaǵdaı jasalǵan. Daıyndyq joǵary deńgeıde uıymdastyrylypty. Dálizde kúı kúmbirlep, patrıottyq ánderdi estidik. Jalpy, halyqtyń kóńil kúıi – jaman emes, qabaqtary ashyq, júzderi jyly. Daýys berýge kelgen halyqtyń kóptiginen bolashaqqa degen senimdi baıqaýǵa bolady.